Koloniekak toe an zesde druk

Nog aal veul belangstelling veur boek van Mariët Meester over leven in gevangenisdörp Veenhoezen

Oetgeverij Het Drentse Boek van streektaolorganisatie Huus van de Taol in Beilen is der maor wat wies met. Negen jaor nao de eerste druk is het boek Koloniekak, leven in een gevangenisdorp toe an de zesde druk. ‘De verkoop giet niet zo rap meer as in het begun vanzölf, maor der is nog aal vraog naor dit schiere boek,’ volgens oetgever Bert Rossing. Het gevangenismuseum in Veenhoezen is een grote ofnemer. En nou der ok aal meer volk in Veenhoezen komp, umreden dat het dörp de UNESCO-werelderfgoedstatus kregen hef, dèenkt Rossing dat Koloniekak een bestseller blef.

Mariët Meester gruide op in Veenhoezen, en dat kuj in dit boek zien. Ze vertelt het verhaal van binnenoet.

In Koloniekak, leven in een gevangenisdorp, vertelt (old-)inwoners van het dörp, vaak personeelsleden, over deze biezundere dörpsgemienschap. Veenhoezen is het ienige dörp in Nederland waor tot wied in de jaoren tachtig van de veurige ieuw veural mensen die in dienst waren van justitie woonden. En daornaost woonden der vanzölf de honderden verpleegden, gedetineerden en oorlogsmisdaodigers in de gevangenissen. Overal kwamen zij mekaar tegen.

Mariët Meester beschrif op een levendige wieze dit biezundere dörp.

Koloniekak is te koop in het gevangenismuseum, bij de plaotselijke boekhandel en rechtstreeks bij de oetgever (huusvandetaol.nl/webshop). Het boek kost € 12,50.

Foto: Mariët Meester