De koffiemölle van opoe

Ik zee heur nog zo zitn
Met de koffiemölle op schoot
Heur heufd nen bettiej gebogen
Met n doffe blik in de ogen
Heur gestalte was neet groot

Heur haande zaatn vol kloven
Deurt warken zo verweerd
Hele daege warkn veur heur gezin
Bie’n boer mos zee de rogge bin
heur haande steun neet verkeerd.

Het leam det brach heur völle zörgen
Nen man, nee, dee had zee neet
Hee was a heel joonk oaverleden
Zee steu allenig veur de meulikheden
Zee had het toew neet breed.

Zee was neet makkelik veur de wichter
Het leam brach det met zich mee
Mar zee zöl ok neet gaow klagen
Zee blif heur kruus gedeuldig draegen
Dee tied bracht det met zich mee.

Dee koffiemölle he’k van opoe ekregen
Het maalwark is wat van slag
Zeen köpperen kop den hef nen bas
Het holtwark he’k op-ewream met was
Doardeur da’k nog an mien opoe dach

Fenny Martens-Berends