Logeren

Jongens, jullie goat vanoaf sloapen bie'j opa en oma. Wie'j hept ne brulfte.

Noa et afscheid “aaajuuuu” van pa en ma. Um zeum uur in de teil, met natte heurtjes op de bank, Fred emmer vertel'n et niej's. Doarnoa Willum Ruis show kieken. Oma gooien oe stukskus zuute appel toe. Opa zat walnötten te kraken, de baste vloagen deur de kamer .

As de olde klok negen sloeg, samen met grote bruur et logeer bedde in. Weltrusten!

Zondags ginnen wie'j dan met opa en oma een stukjen met de auto rond. Opa rieden en oma der noast. (handtasse op schoot met röllekes peppermunt) zei woar dat et oppan ging. Oma gaf aanwiezingen, waarschuwen veur wieter alles wauw integen kwammen. Hiel samen met opa de drie metertjes in de gaten zodat wie'j neet zonder benzine ollie of water zoll'n kunnen kommen te zitt'n.

‘Et ging linksaf op Durkum an, rechtsaf noar Zellum, niet te hard hier. Rechtdeur richting Vodd'n. “Pas op want disse berm lik aardig zachte." “Hierst wat duuster onder de beume, stek de lampe an". Opa zei neet vülle, deed watte doen mos. Pette iets een betjen scheef, rustig sturen en joa knikken.

Samen met breur op de achterbank in 1975. Helemoal biejnoa in Zutphen kregen wiej een ijsko. Keal wan ende van huus. As ik doar an trug denk, kump der weer zo'n kronkel boaven drieven. As iej tegenwoardig in een auto stapt, zit mien oma eigenluk in ’t dashbord.

‘Et bast in die moderne wagens namelijk van de controle lempkus, waarschuwings piepers. proatende tom tommies. “Sla hier links af, denk om uw snelheid, gordel, doe uw lampen aan.” Pas op hier veur, pas op doar veur.

Opa had vrogger oma...

Iemand hef dus toch gedacht dat dat wel handug was. Dus deurum hew noe proatende auto's die alles controleerd en precies verteld woar et oppan mot...

Alleen et rölleken peppermunt mist nog…

Aju! Jos Salemink